AZƏRBAYCANDA YENİ BEYNƏLXALQ AEROPORT TİKİLƏCƏK

2017-ci ildən etibarən Naftalanda Azərbaycanın sayca yeddinci beynəlxalq hava limanı olacaq aeroportun təmiri başlanacaq.

Söhbət Naftalanda hazırda fəaliyyətsiz qalmış yerli aeroportun yenidən qurularaq beynəlxalq səviyyəli hava limanına çevrilməsindən gedir. Naftalan şəhər mədəniyyət və turizm şöbəsinin müdiri Zöhrab Adıgözəlov trend.az-a bildirib ki, hava limanının fəaliyyəti 1994-cü ildə dayandırılıb və o vaxtdan Gəncədə və Bakıda hava limanları üzərindən uçuşlara bilet almaq üçün kassa funksiyasını yerinə yetirir. Lakin aviareyslərin bərpası həm də turistlərin sayının artmasına səbəb olacaq. Aeroport fəaliyyətini bərpa etdikdən sonra beynəlxalq hava limanı statusu alacaq.

Yeni aeroportun tikintisi dövlət vəsaiti hesabına həyata keçiriləcək. İşlərin başa çatacağı müddət və hava limanının istismara verilməsi tarixi, həmçinin xərclər açıqlanmır.