GÜNƏŞ BATAREYALARI İLƏ İŞLƏYƏN ŞƏHƏR SALINACAQ

Avstraliyada "Tesla" avtomobil şirkətinin təşəbbüsü ilə dünyada günəş batareyaları ilə işləyən ilk şəhər salınacaq.

Melburn şəhəri yaxınlığında salınacaq Tesla şəhərində bütün evlər "Tesla PowerWall" günəş batareyaları və akkumulyatorlarla təchiz olunacaq. "PowerWall" akkumulyatorları şəhər sakinlərinə 10 illik zəmanətlə veriləcək. Layihəyə əsasən, günəş enerjisi həm də elektromobilləri enerji ilə doldura biləcəklər.

Yarra çayının sahilində 16,46 hektarlıq ərazidə salınacaq "Yarrabend" şəhərinin tikintisi artıq başlayıb. Burada 2500 ev, eləcə də hündürmərtəbəli binalar və şəxsi evlər tikiləcək. İlk 60 ev avqust ayında satışa çıxarılacaq. Tikililərin qiyməti 1,48-2,1 milyon dollar arasında dəyişir. Layihə 2017-ci ildə təhvil veriləcək.